Терроризмге қарсы күрес бүгінде әрбір елдің ішкі және сыртқы саясатының басты бағыттарының біріне айналды.
Жасөспірімдерді терроризм туралы мағлұмат беру және террористік топтардың қаупі жайлы насихаттау бағытында Алматыда №79 мектеп-гимназиясының кітапханасында "Терроризммен күрес—баршаның міндеті" тақырыбында жиын өтті, деп хабарлайды aqshamnews.kz.
Бейбітшілік пен татулықты арқау еткен мемлекеттің билігін күйретуге әсер ететін бүгінгі таңда бүкіл әлем бойынша жаһандық мәселе - терроризм. Қазіргі уақытта, терроризм мен экстремизмнің таралу қаупі еліміздің қауіпсіздігін төнетін шынайы қауіпке айналып отыр.
"Террор" сөзінің мағынасы латын тілінен аударғанда, қорқыныш, үрей деген ұғымды білдіреді.
Терроризмді көп объектілі қылмыс түріне жатқызады. Қылмыстың объективтік жағы - жарылыс жасау, өрт қою немесе адамдардың қаза болуы, елеулі мүліктік зиян келтіру не қоғамға қауіпті өзге де зардаптардың туындау қауіпін төндіретін өзге де іс-әрекеттер жасау", - деп түсіндірілді қатысушыларға.