Оқиға Сокол автодромында болған.
Алматыда танымал блогер Әлібековтің Lamborghini көлігі 22 жастағы жігітті қағып өлтірді, деп хабарлайды aqshamnews.kz
Автодромда арнайы трюк жасалуы қажет болған. Батырхан есімді жігіт жүріп келе жатқан Lamborghini көлігінің үстінен секіруі керек еді. Қорқынышты трюк барысында 45 жастағы Анатолий Подлипалин жігітті қағып кеткен.
Көліктің танымал блогер Бейбіт Әлібековке тиесілі екені анықталды.
Оқиғадан кейін Батырхан алған жарақаттарының кесіренен Іле ауданының орталық ауруханасында көз жұмды.
Оқиғаға қатысты блогер Бейбіт Әлібеков түсініктеме берді.
"Батырхан Ержан есімді жігіт менен көлікті қайта-қайта сұрады. Трюк жасап, видеоға түсіргісі келетінін айтқан. Бірнеше рет сұрағаннан кейін көлігімді берген болатынмын. Қайғылы оқиға трюк жасау кезінде орын алған. Артынша ол ауруханада көз жұмды. Көлігімді бермеуім керек еді. Отбасы мен жақындарына қайғырып көңіл айтамын",-деді Әлібеков.