Алматы қаласында 2 желтоқсан күні танымал әнші Арман Сейтжаппар (ARO) қамауға алынды, деп хабарлайды aqshamnews.kz.
Алматы полиция департаментінің мәліметі бойынша, сағат 21:57-де Шаляпин көшесінде патрульдік полиция қызметкерлері "Тойота" маркалы автокөлігін тоқтатқан.
Медициналық сараптама нәтижесінде көлік жүргізушісі наша шегіп, масаң күйде болғаны анықталды. Тергеу барысында көлік иесі Арман Сейтжаппар өз көлігін есірткі пайдаланған және мас күйде жүрген адамға тапсырғаны белгілі болды.
Сот шешімімен екі азамат та қамауға алынды. Сонымен қатар, көлік жүргізушісі 7 жыл мерзімге көлік құралын басқару құқығынан айырылды.