Алматы қаласында сыбайлас жемқорлық тәуекелдерінің картасын іске асыру туралы ҚР Сыбайлас жемқорлыққа қарсы іс-қимыл агенттігінің Алматы қаласы бойынша департаментінің басшысы Арман Рахимов ӨКҚ брифингінде сөйлеген сөзінде айтты, деп хабарлайды Almaty-akshamy.kz.
Спикердің мәліметінше, ағымдағы жылы сыбайлас жемқорлыққа қарсы 11 мониторинг және сыбайлас жемқорлық тәуекелдеріне 4 сыртқы талдау жүргізілді, оның қорытындысы бойынша 137 ұсыным енгізілді.
Арман Рахимовтың айтуынша, қалада бизнесті дамытудың тиімділігіне әсер ететін бірқатар проблемалар бар.
«Кәсіпкерлерге көмек көрсету мақсатында жыл басынан бері іске асырылып жатқан “Бизнеске жол» жобасы аясында 2000-нан астам кәсіпкерді қамтумен 101 кездесу өткізілді, 38 проблемалық мәселе шешілді, 1600-ден астам кәсіпкердің құқықтары қорғалды. Кәсіпкерлік қызметке араласқаны үшін ӘҚБтК - нің 173-бабы бойынша 3 лауазымды тұлға әкімшілік жауапкершілікке тартылды», - деді спикер.
7 факт бойынша ӘҚБтК-нің 465-бабы бойынша рұқсат беру тәртібі мен мерзімін бұзғаны үшін 4 адам жауапқа тартылды.
«Біз жұмысты қоғам қайраткерлерімен, үкіметтік емес ұйымдардың, азаматтық альянстың өкілдерімен, бизнес белсенділерімен және жастар қозғалыстарының көшбасшыларымен тығыз қарым - қатынаста жүргіземіз», - дейді А.Рахимов.
Айта кетейік, Сыбайлас жемқорлыққа қарсы мәдениетті қалыптастыру аясында 180 мыңнан астам адамды қамтитын түрлі форматтағы 750-ден астам іс-шара өткізілді.
Әлемдік оң тәжірибелерді ескере отырып, ағымдағы жылдың тамыз айында Агенттік “Сыбайлас жемқорлыққа қарсы волонтерлік" жаңа әлеуметтік жобасын іске қосты, оның мақсаты еріктілер ретінде сыбайлас жемқорлыққа қарсы қозғалысқа бей-жай қарамайтын азаматтарды тарту болып табылады.
Алматы қаласында ниет білдіргендер саны 250-ден астам адамнан асатын ел бойынша басқа өңірлермен салыстырғанда азаматтардың ең көп саны болды.