Алматы қаласы бойынша қылмыстық-атқару жүйесі департаменті №13 мекемесінде жазасын өтеп жүрген сотталғандарға америкалық кинорежиссер Адам Шенкман түсірген “Спеши любить” кинофильмі көрсетілді.
Кино сюжетінде екі жастың арасындағы шынайы сүйіспеншілік сезімінің ешқандай кедергіге қарамайтыны туралы баяндалады, деп хабарлайды Almaty-akshamy.kz Polisia.kz-ке сілтеме жасап.
Аяғы қайғылы аяқталса да Лэндон мен Джейми арасындағы сезімнің адамның адал өмір сүруіне ықпал ететін қасиет екенін дәлелдейді.
«Сотталғандармен үнемі тәрбиелік бағыттағы іс-шаралар өткізіп, еркіндікке шыққан соң адаспай өмір сүруге бейімдейміз. Сондай іс-шаралардың бірі – тәрбиелік мәні зор шығармалармен таныстыру», – дейді сотталғандар арасындағы тәрбие жұмысы бөлімінің аға инспектор психологы Ж.Шубаева.
Сотталғандар көрген фильмнен алған әсерлерімен бөлісіп, адал сезімнің адам тағдырына әсер ететін оң ықпалы жайлы әңгімелесті.