Алматыда шетелдік компанияларға кибершабуыл жасады деген күдікті ұсталды, деп хабарлайды Aqshamnews.kz.
Ұлттық қауіпсіздік комитетінің мәліметінше, шілде айында Алматы қаласында шетелдік әріптестермен бірлесіп жүргізілген операция нәтижесінде Қазақстан азаматы қолға түскен. Оған компьютерлік қылмыс жасаған деген айып тағылды
Тергеу материалдарына сәйкес, күдікті шетелдік компаниялардың серверлеріне заңсыз кіріп, зиянды бағдарламалар орнатып, маңызды деректерді шифрлаған. Кейін ол ақпараттарды қалпына келтіру үшін криптовалюта түрінде ақы талап еткен.
ҰҚК атап өткендей, тінту кезінде күдіктінің кибершабуыл жасау кезінде пайдаланған заттай айғақтары тәркіленген.