Әлеуметтік желіде 2 тамызда Алматыда сел жүргені туралы видео жарияланды. Бейнеде табиғи апаттың Алматыда болғанының "дәлелі" ретінде жазу мен селдің жүрген уақыты ғана көрсетілген. Алайда бұл - жалған ақпарат, - деп хабарлайды Аqshamnews.kz Factcheck.kz-ке сілтеме жасап.
Алматы қаласының төтенше жағдайлар департаменті ешқандай сел жүргені туралы хабарламады, тараған видео Қазақстанда емес, Кабардин-Балқарияның (Ресей) Тырныауыз қаласында түсірілген. Аймақта сел жүргені туралы 31 шілдеде төтенше жағдайлар министрлігінің облыстық департаменті хабарлаған.
"31 шілдеде Кабардин-Балқарияның Эльбрус ауданында, Тырныауыз қаласында Герхожан-Суу өзенінің бойына сел жүрді", - деп хабарлады төтенше жағдайлар министрлігінің облыстық департаменті. Селдің себебі таудағы нөсер жаңбыр екені айтылған.
Тараған видео осы ақпарат шыққан соң ресейлік телеграм арналар мен әлеуметтік желідгені парақшаларда жариялана бастады.
Тараған видеода көрінетін ғимараттардан, мұның Тырныауыз қаласындағы №3 жалпы орта білім беретін мектеп пен Тырныауыз қаласының Қ.Құлиев атындағы мәдениет сарайы екенін табылды. Кадрдың алдыңғы жағында жасыл шатырлы ғимарат - мектеп, артқы кадрдағы колоннамен салынған ғимарат - мәдениет сарайы.
Екі ғимарат та Эльбрус даңғылының бойында орналасқан, ал видеодағы сел сол Эльбрус даңғылы мен Заводская көшесінің қиылысында болған.