11 қыркүйек күні Алматыда жер сілкінісі кезіндегі іс-әрекеттерді пысықтау үшін оқу-жаттығу өтеді. Таңғы сағат 10:00-де қала бойынша дабыл жүйелері іске қосылады, деп хабарлайды .
Қалалық Төтенше жағдайлар департаментінің өкілдері, қала тұрғындары мен қонақтарынан сейсмикалық жаттығуды бастамас бұрын дабыл чемоданын дайындап, қауіпсіз жерге эвакуациялау бағытын алдын ала айқындау керектігін айтты.
- Қауіпсіз орындар – электр желілері мен ғимараттардан алыс орналасқан ашық жерлер.
- «Барлығына, назар аударыңыз!» сигналын естігеннен кейін, сабыр сақтап, ғимараттан эвакуацияланыңыз.
- Төтенше жағдайларға дайын болу - адам өмірі мен денсаулығын сақтаудың кепілі. Сейсмикалық жаттығуға белсенді қатысуға шақырамыз.
«Қалада шартты түрде баспанасыз қалған адамдарғы 384 қабылдау пункті іс жүзінде орналастырылады. Аталған бекеттер халықты жинауға, тіркеуге, уақытша орналастыруға, зардап шеккен халықты қажетті заттармен (су, тамақ, азық-түлік) қамтамасыз етуге, көлікке отырғызып және қауіпсіз аудандарға эвакуациялауға арналған»,- деп хабарлады департаменттен.
ТЖД қызметкерлері, жер сілкінісі кезінде қарапайым 10 қадамға мән беруге шақырды:
- жер дүмпуі кезінде үрейленбеңіз;
- жер сілкіну кезінде лифт және баспалдақты қолданбаңыз;
- жиhаздан, терезеден, аспашамдардан алыс тұрыңыз;
- жасырынатын жерді табыңыз (егер жоғарғы қабатта болсаңыз, негізгі іргелі қабырғалардың бұрышында жасырыңыз);
- ғимараттан шығыңыз (көпқабатты үйлерде жер сілкінісі аяқталған соң);
- үйден шығар алдында суды, газды, электр қуатын мүмкіндігіңізше өшіріңіз;
- дабыл жол сөмкесін алыңыз (алдын ала дайындау қажет);
- электр желілерден, ғимарат, ағаштардан аулақ болыңыз;
- жерасты дүмпуінің қайталануына дайын болыңыз;
- қарт адамдарға, балаларға, мүмкіндігі шектеулі адамдарға көмек көрсетіңіз;
Алматы 9-10 балдық сейсмикалық аймақта орналасқан. Жыл сайын қалада 200-ге дейін әлсіз, сезілмейтін жер сілкінісі болады.
Бұл ретте 2-ден 4 балға дейінгі жер сілкіністері - Алматы үшін фондық режим.