МВК комиссияның тапсырмасы бойынша мобильді топ құрылған.
Алматыда сауда орталықтарындағы қызмет көрсету мамандарының вакцина паспорты тексерілді. Қоғамдық орындардағы санитарлық талаптың сақталуын қадағалаған тексеру тобы құжат анықтамаларына да зер салды, деп хабарлайды Almaty-akshamy.kz Almaty.tv сайтына сілтеме жасап.
Мониторингтік топ өкілдері құжаттық бақылаумен ғана шектеліп қалған жоқ. Қазір мұндағы бір қызметкерді шақырып, вакцина паспортының жалған болмауы үшін Ashyq жүйесі арқылы тексеру жүргізіліп жатыр.
«Сауда жасайтын кісілердің бәрінде Ashyq жүйесі бойынша тексеріп, кіргізіледі. Өйткені біз Бас санитарлық дәрігердің қаулысы бойынша жұмыс істейміз. Ол біз үшін маңызды», – деді сауда дүкенінің менеджері Айнұр Ахунова.
Тексеру жұмысы шынайы өтуі үшін мониторингтік топ өкілдері аудандық әкімдіктің QR кодын да ала келіпті. Кез келген 10 қызметкерді таңдап, жүйе арқылы мәртебені тексергендер «бұлай ету – ең әуелі мамандар мен орталық қонақтарының денсаулығы үшін», дейді.
«МВК комиссияның тапсырмасы бойынша мобильді топ құрылған мемлекет бойынша. Сол Алмалы ауданында да 4 топ құрылған вакцинация бойынша. Жұмыстары 99 пайызға орындалды деп айтуға болады. 3-4 күн болды жұмыс басталғалы бері. Енді сол бойынша тексеру жүргізіле береді», – деді Алмалы аудандық кәсіпкерлікті және өнеркәсіпті дамыту бөлімінің бас маманы Ғапур Бақтияр.