Алматы қаласындағы сауда орталығында шыққан өрт толықтай сөндірілді. Бұл туралы Төтенше жағдайлар министрлігінің баспасөз қызметі мәлімдеді, деп хабарлайды Aqshamnews.kz.
"Министрлік техникасының күшімен өрт толығымен ауыздықталды. Алғашқы өрт сөндіру бөлімшелері келген сәтте ғимараттың терезелерінен қою қара түтін шығып жатқаны байқалды. Оқиға орнына ТЖМ-нің 57 қызметкері мен 15 техникасы жұмылдырылды. Зардап шеккендер жоқ", - делінген ведомство таратқан ақпаратта.
Бұған дейін, Алматы қаласының Әуезов ауданындағы екі қабатты сауда орталығының екінші қабатында орналасқан екі бутиктен өрт шыққаны туралы хабарланған болатын.