Сәтбаев көшесінің учаскесіне орташа жөндеу жүргізуге байланысты көлік қозғалысына уақытша шектеу енгізіледі.
14 тамыз сағат 08.00-ден 15 тамыз сағат 20.00-ге дейін Достық даңғылынан Луганский көшесіне дейінгі учаскеде қозғалыс жабылады, деп хабарлайды aqshamnews.kz.
Бұл аумақты Шығыс бағытта Құрманғазы көшесімен, батыс бағытта Интегральная және Инженерная көшелерімен айналып өтуге болады. Жөнделіп жатқан учаскеде ескерту белгілері, мердігер ұйымының басшысының байланыс ақпараттары көрсетілген стендтер қойылады.