Алматыда республикалық референдум күні 15 наурызда Отбасылық оқу кітапханасының Инновациялық шығармашылық орталығында буккроссинг акциясы ұйымдастырылды, – деп хабарлайды aqshamnews.kz тілшісі.
Іс-шараның мақсаты – кітап оқуды насихаттау, отбасылық оқу мәдениетін дамыту және оқырмандар арасында кітап алмасу дәстүрін қалыптастыру.
Акция барысында қатысушылар өздері оқып шыққан кітаптарын әкеліп, басқа оқырмандармен алмастырып, жаңа авторлар мен шығармаларды танып-білуге мүмкіндік алды. Буккроссинг кітапсүйер қауым үшін пікір алмасып, әдебиеттермен бөлісетін ерекше алаңға айналды.
Іс-шараға кітап оқуға қызығатын қала тұрғындары белсенді қатысып, оқу мәдениетін дәріптеуге үлес қосты.
Айта кетейік, республика бойынша өтіп жатқан референдум барысында қазақстандықтар дауыс беру учаскелеріне келіп, таңдау жасап жатыр.