Бұл туралы Өңірлік коммуникациялар қызметінде өткен брифингке Алматы қаласының коммуналдық инфрақұрылымды дамыту басқармасы басшысының орынбасары Дулат Әшкенов айтты.
Спикердің айтуынша, алғашқы жауған қар коммуналдық қызметтердің қыс мауысымына дайын екенін, мобильді топтардың күнделікті кезекшілік жүргізіп отырғанын көрсетті, деп хабарлайды Almaty-akshamy.kz.
Жолдарды қыста күтіп ұстау жұмыстары күзде басталатынын айта кеткен жөн. Ол мегаполис жолдарында қысқы уақытта көліктердің үздіксіз және қауіпсіз қозғалысын қамтамасыз етуге бағытталған. Бүгінде Алматының коммуналдық қызметтері техникамен, материалдармен, тәжірибелі жол жұмысшыларымен толық қамтамасыз етілген.
«Көше жолдары желісін күтіп ұстаумен 10 мердігер айналысады. Көшелерді күтіп ұстау көшелердің маңызды үш дәрежесі бойынша жүзеге асырылады: қалалық маңызы бар көшелер (бас көшелер), аудандық маңызы бар көшелер және жергілікті маңыздағы көшелер. Осыған сәйкес, қала көшелерінде күніне кемінде екі рет, аудан көшелерінде күніне бір рет және жергілікті көшелерде аптасына кемінде бір рет тазалық жұмыстары жүргізілуде. Бірақ бұл жолшылар мұнымен шектеледі дегенді білдірмейді, жағдай мен ауа райына байланысты көлік қозғалысын үздіксіз қамтамасыз ету бойынша жұмыстар жүргізілуде», - деді Д.Әшкенов.
Мәселен, жазда 1000-нан астам арнайы техника көмегімен Алматы қаласының көшелерінен 90 тоннадан астам қоқыс шығарылады, қыста қар шығарылып, көктайғақпен күреседі.
«Жолды күтіп ұстау» ұғымы қыста жолды қардан тазартудан бастап, мұздан құм-тұз қоспасын себуге дейін және т.б. жол жұмысының кең ауқымын қамтиды.
«Алматы тазалық» кәсіпорны 100 пайыз дайын. Полиция департаментімен бірлесе отырып, қардан тазарту кезінде қозғалыс сызбалары пысықталуда.
«Алғашқы қар дайындықтың сәтті өткенін көрсетті, негізгі тапсырмаларды мердігерлер орындады», - деп қосты ӨКҚ спикері.
Алматы қалалық коммуналдық инфрақұрылымды дамыту басқармасы басшысының орынбасары Дулат Әшкенов жол тазалаушы жұмысшыларға үлкен жауапкершілік жүктелетін жұмыстың шешуші кезеңіне аяқ басып отырғандарын атап өтті.
«Ол үшін күз маусымы аяқталғаннан бері өткен бірнеше айдың ішінде біз осы жауапты кезеңге дайындалу мақсатында өз жұмысымызды жоспарлап жатырмыз», - деді ол.