Алматыда қоқысты заңсыз тастаған шенеуніктер жазаланды

Алматыда әкімдіктердің лауазымды тұлғалары заңсыз қоқыс тастағаны үшін жазаланды, - деп хабарлайды Аqshamnews.kz.
 
Мониторинг барысында табиғат қорғау прокуратурасы қала аумағында 30-дан астам рұқсат етілмеген қоқыс үйінділерін анықтады.

"Қазақстан Республикасындағы жергілікті мемлекеттік басқару және өзін-өзі басқару туралы" заң талаптарына сәйкес аудан әкімдеріне абаттандыру жұмыстарын ұйымдастыру міндеті жүктелген.

Қалдықтарды басқару бойынша экологиялық талаптарды бұзғаны үшін Әкімшілік құқық бұзушылық туралы кодексінің 344-бабы 3 және 5-бөліктері бойынша Медеу және Түрксіб аудандары әкімдерінің орынбасарлары, сондай-ақ Алатау ауданы әкімі аппаратының басшысы әкімшілік жауаптылыққа тартылды.

Қабылданған шаралар арқылы әкімдіктер, анықталған қоқыс тастайтын жерлерді жою жұмыстарын жүргізді.

Қалада экологиялық тәртіптің сақталуын бақылау жалғасып жатыр.