Алматыда 4 шақырымнан алыс жолға шыққанда қоғамдық көлікпен жүру жеке автокөлікке қарағанда қаржы жағынан тиімді
Бүгін Алматыда мегаполис әкімі Ерболат Досаевтың тапсырмасымен әзірленген 2030 жылға дейінгі қаланың көлік қаңқасының шебер-жоспарының тұсауы кесілді. «Алматыбасжоспар» шебер-жоспарын әзірлеушілер мен кешенді көлік жобаларын іске асыру саласындағы сарапшылар зерттеу барысында анықталған қоғамдық көліктің негізгі мәселелерін айтып, оларды шешу бойынша ұсыныстар әзірледі. Атап айтқанда, мониторинг нәтижелері көрсеткендей: қоғамдық көлік салыстырмалы қаржылық қолжетімділікке қарамастан, алматылықтар арасында танымал емес. Мұның бір себебі қарбалас уақытта автобустар мен троллейбустардың жолаушыларға толып кетуі. Бұл ретте, Алматыда қоғамдық көлікте жүруге арналған ай сайынғы шығынның үлесі жалақының 2%. Зерттеу көрсеткендей, автобустармен, троллейбустармен және метромен жүру 4 км-ден астам жолға шыққанда жеке көлікке қарағанда қаржылық жағынан тиімдірек.
Қолданыстағы мәселелерді шешу үшін BRT, LRT және метро сияқты жедел қоғамдық көлікті дамыту ұсынылады. Бұл қаланың тұрғын аудандарының төрттен үш бөлігін қамтуға мүмкіндік береді. Қаланың қалған бөліктеріне тұрғындарға 10-15 минут ішінде жақын маңдағы жедел көлік аялдамасына жетуге мүмкіндік беретін тасымалдау маршруттарын іске қосу жоспарланып отыр.
Көлік қаңқасын енгізу 2024 жылы Райымбек даңғылын абаттандыру және арнайы көлік желісін құрудан басталатыны белгілі.