Алматы қаласы бойынша ҚАЖД қызметкерлері қару жасырылған орынды тапты.
Алматы қаласы бойынша ҚАЖ департаменті №72 мекемесінің жедел қызметкерлері Алматы қаласы Наурызбай ауданының "Қарағайлы" шағынауданынан Макаров тапаншасын тапты, деп хабарлайды Almaty-akshamy.kz Polisia.kz-ке сілтеме жасап.
Алматы қаласы полиция департаменті ұйымдасқан қылмысқа қарсы күрес басқармасының қызметкерлерімен бірге жедел ақпарат бойынша атқарылған іс-шараның нәтижесінде бұталардың арасынан табылған қаруға қатысты қазір тексеру-тергеу амалдары жүргізіліп жатыр.
Табылған Макаров тапаншасының өткен жылғы қаңтар оқиғасы кезінде Алматы облысы полиция департаментінен ұрланған деген болжам бар.