Әлеуметтік маңызы бар азық-түлік тауарларының бағасын тежеу үшін алдын алу шаралары қабылдануда.
Бұл туралы Алматы қаласының әкімі Е.Досаев ОКҚ-да өткен Алматы қаласының әлеуметтік экономикалық дамуының 5 айдағы негізгі қорытындылары туралы сөйлеген сөзінде айтты деп хабарлайды Аlmaty-akshamy.kz.
1) «Айналым схемасы» бойынша қаржыландыру
4 млрд. теңгеге ұлғайтылды (11 млрд. теңгеден 15 млрд. теңгеге дейін).
2) Бекітілген бағамен сату үшін 6,5 мың тонна қант сатып алынды (Magnum, Small, Toimart-та 480 теңге).
3) Басқа өңірлерден (Түркістан, Алматы), сондай-ақ жақын (Өзбекстан, Тәжікстан, Қырғызстан) және алыс шетелден (Иран, Пәкістан) көкөніс пен жемісті тікелей жеткізу ұйымдастырылды.
4) Нан бағасын тұрақтандыру үшін Азық-түлік корпорациясының қорларынан астық жеткізілуде (32 мың тонна).
Қант бағасының өсу ықтималдылығы, бакалея өнімдері қорларының азаю, Ресейге көкөніс өнімдерін жаппай экспорттау тәуекелдеріне байланысты ірі сауда желілеріне қант әкелуге жекелеген квоталар бөлу және бакалея мен көкөніс өнімдерінің экспортын шектеу мәселелері пысықталып жатыр.
Анықтама үшін: Консервілеу және тосап дайындау маусымына байланысты соңғы аптада халықтың қантқа сұранысы тәулігіне 110-нан 200 тоннаға дейін өсті. Жыл басынан бері Азық-түлік корпорациясы барлығы 136 тонна бөлді.
Ресейде бакалея мен көкөніс өнімдерінің бағасы Қазақстанға қарағанда 40-80%-ке жоғары.
Алматыда бағаның жоғары өсу қарқыны сақталуда. Жыл басынан бері 6 айының қорытындысы бойынша инфляция 10,3%-ті құрады (ҚР – 10,5%).
Инфляцияға негізгі үлес бірінші кезекте азық-түлік бағасының өсуі есебінен қалыптасты, ол 16,4%-ті құрады (жылдық есептеуде - 19,5%).
Ең көп өскені қант (2 есе, 560 теңгеге дейін), пияз (+90,2%,
156 теңгеге дейін), нан (+18,3%, 95 теңгеге дейін), сүт (+18%, 328 теңгеге дейін) бағасы. Олардың тұтыну бағасының индексіндегі үлесі
2,2 проценттік тармақты құрады.
Дегенмен, жұмыртқа бағасының төмендеуі (0,4%-ке,
460 теңгеге дейін) және сиыр еті (0,9%-ке, 2 350 теңгеге дейін), сары май (5,6%-ке, 3 400 теңгеге дейін), тұз бағасының (6,5%-ке,
66 теңгеге дейін) шамалы өсуі байқалады.
Жеткізу тізбегінің бұзылуы және теңге бағамының тұрақсыздығына байланысты әлі де жоғары инфляциялық күтімдер сақталуда.