2024 жылы Алматы қаласының ветеринарлық қызметі 6 400 ит пен 120 мысықты аулап, олардың 2 847-сін стерилизациялап, екпе жасаған. Бұл шараларға 429 миллион теңге жұмсалды. Ал 2025 жылы жергілікті бюджеттен 580 миллион теңге бөліну жоспарланып отыр. Бұл туралы Aqshamnews.kz сайты хабарлайды.
Қаңғыбас жануарларды аулау жануарлардан адамға жұғатын аурулардың алдын алу және азаматтардың, әсіресе балалардың қауіпсіздігін қамтамасыз ету мақсатында жүргізіледі. Алматыда Турксиб ауданындағы Спасская, 150/1 мекенжайында қаңғыбас жануарларға арналған жалғыз уақытша ұстау пункті бар.
Заңға сәйкес, иттер бес күн бойы иесі табылғанша осы орталықта ұсталады. Егер иесі анықталмаса, ОСВВ (отлов-стерилизация-вакцинация-выпуск) бағдарламасы аясында стерилизацияланып, бұрынғы мекеніне қайта жіберіледі. Сонымен қатар, тұрғындар арнайы адопция бағдарламасы арқылы бұл жануарларды асырап ала алады.