Алматы полицейлері қалта ұрыларын қолға түсірді.
Қалта ұрылары қылмыс жасап болған соң ұсталды, деп хабарлайды Almaty-akshamy.kz Polisia.kz-ке сілтеме жаап
«Екі күдікті де Әуезов аудандық полиция басқармасының полицейлерімен және арнайы топ қызметкерлерімен ұсталды. 26 жастағы М. есімді азамат, 119-бағыттағы қоғамдық көлікте жолаушының IPhone телефонын ұрлап, сол арқылы 500 мың теңге көлемінде материалдық шығын келтірген. Оның тағы бір “әріптесі” 37 жастағы И. есімді азамат, 45-ші бағыттағы қоғамдық көлікте қылмыс үстінде ұсталды. Онда жас қыз ұялы телефонынан айырылып қала жаздаған. Күдікті оның Samsung телефонын ұрламақ болған», – деді Алматы қалалық ПД криминалдық полиция басқармасының бастығы Қуатбек Науатов.
Қазіргі таңда екі дерек бойынша да сотқа дейінгі тергеу амалдары жүргізіліп жатыр. Күдіктілер қамауға алынды. Сонымен қатар полиция қызметкерлері күдіктілердің қала аумағында жасалған осыған ұқсас басқа да қылмыстарға қатысы бар-жоғын анықтап жатыр. ҚР ҚПК-нің 201 бабының талаптарына, сондай-ақ ҚР Конституциясының нормаларына сәйкес, қылмыстық іс бойынша өзге де мәліметтер жария етуге жатпайтынын хабарлайды.