Алматы қаласында полиция қызметкерлері психотроптық заттарды аса ірі мөлшерде заңсыз дайындап, өткізу фактілері бойынша ұйымдасқан қылмыстық топты тоқтатты, деп хабарлайды Aqshamnews.kz тілшісі.
Прокуратура мәліметінше, қылмыстық топ жеке үйлерде жабдықталған үш жасырын зертхананың жұмысын ұйымдастырып, психотроптық заттарды күнделікті заңсыз айналымға шығарған. Жедел-іздестіру іс-шаралары барысында зертханалар толықтай тоқтатылып, 7 адам ұсталды, психотроптық заттар тәркіленді.
Ұйымдастырушы халықаралық іздеуге жарияланды, ал қалған топ мүшелері сот үкімімен 16 жылға бас бостандығынан айырылды.