Ұсталған азамат кінәсін мойындады
Алматы қаласы Әуезов ауданында 37 жастағы М.есімді азамат үш пәтер ұрлығын жасаған, деп хабарлайды Almaty-akshamy.kz.
«Қаскөй пәтерлерге кілт таңдау арқылы кіріп, шағын тұрмыстық техника, зергерлік бұйымдар мен ақшаны ұрлап кеткен. Қазіргі уақытта ұсталған азаматтың осыған ұқсас 3 заңсыз әрекетке қатыстылығы дәлелденді. Ұсталған азамат кінәсін мойындады. Аталған деректер бойынша қылмыстық істер тіркелді. Олар ҚР ҚК-нің 188 бабы 3 бөлігінің 3 тармағында (ұрлық, яғни бірнеше рет бөтеннің мүлкін жасырын жымқыру) көзделген қылмыс белгілері бойынша бір іс жүргізуге біріктірілген. Күдіктіге қатысты қамауға алу түріндегі бұлтартпау шарасы таңдалды. «Пәтер ұрысының» қала аумағында осыған ұқсас қылмыстарға қатысы бар-жоғы тексерілуде», - деді, Әуезов аудандық полиция Басқармасының бастығы, полиция подполковнигі Ұлан Әбілқайыр.