Өрті жиілейтін маусымның алдында Алматы мен Алматы облысында өрттің алдын алуға арналған жаттығу жұмыстары өтіп жатыр. Өңірлік коммуникациялар қызметінде өткен пресс-конференцияда Іле Алатауы ұлттық паркінің Медеу филиалына қарасты орман өртінен қорғау станциясының бастығы Дәулет Жетпісбаевтың айтуынша, қолда бар күш пен техника қазір қандай жағдайға болсын даяр тұр.
«Ақсай бөлімшесінде өткен жаттығуға 102 адам мен 13 техника тартылды. Мақсатымыз – өрт сөндірген кезде бүкіл бөлімнің қоян-қолтық жұмыс істеуін қамтамасыз ету», - деп толықтырды ол.
Оның айтуынша, Түрген бөлімшесі ерекше назарға алынған.19 сәуір күні осында Алматы облысының ТЖД-мен бірлесіп өрттің алдын алуға арналған үлкен тактикалық жаттығу өткіп, оған Талғардың, Еңбекшіқазақ пен Боралдайдың бөлімшелері, Қазәуеорман күзеті мен Қазавиақұтқарудың, энергетика және сумен қамтамасыз етудің, Ұлттық гвардияның мамандары да қатысқан.
«МИ-8 тікұшағын қосқанда, жаттығуға 200 адам мен 35 арнаулы техника келіп қатысты», - деп қорытты Жетпісбаев.
Сонымен бірге, ұлттық парктің мамандары Орта Азиядағы, Пәкістандағы әріптестерімен бірлесіп, орман мен су жинайтын бассейндердің маңызын талқылаған халықаралық семинарға барып қатысыпты. Ол семинарда, жан-жақтан келген өкілдер таулы жерде өр сөндірудің әдіс-амалымен танысқан.
«Мұндай тренингтер өзара тәжірибе алмасып, табиға апат кезінде онымен күресер тиімді жүйе жасап шығару үшін де керек», - деп түйіндеді өз сөзін маман.