Алматыда өрт-құтқару спорты бойынша әлем чемпионаты-2024 өз мәресіне жетті. Бұл беделді жарысқа Қазақстан, Беларусь, Болгария, Ресей, Словакия және Чехия спортшылары қатысты, деп хабарлайды aqshamnews.kz
Жарыс төрт спорттық пән бойынша өтті. Ерлер арасында жалпыкомандалық есепте Ресей құрамасы жеңіске жетті, ал екінші орынды Беларусь, үшінші орынды Қазақстан иеленді. Қыздар мен жасөспірімдер арасында да Ресей құрамасы үздік атанып, Беларусь екінші, Қазақстан үшінші орынды иеленді.
Қазақстандық команда «Жауынгерлік орналастыру» сайысында алтын медальға қол жеткізді.
Қазақстан Республикасы Төтенше жағдайлар министрі Шыңғыс Әрінов Алматы қаласы әкімдігіне чемпионатты жоғары деңгейде ұйымдастырғаны және әділ төрешілік үшін алғыс білдіріп, елдер арасындағы апаттық-құтқару қызметтерінің достық байланыстарын нығайтуға сенім артты. Іс-шара жарқын музыкалық шоумен және түрлі-түсті отшашумен аяқталды.
