20 наурыздан бастап Алматы қаласы мен Алматы облысының мемлекеттік орман қоры аумағында өрт қауіпті кезең жарияланды. Бұл туралы Өңірлік коммуникациялар қызметінің брифингінде Алматы ТЖД Мемлекеттік өрт бақылау басқармасы бастығының орынбасары Еркебұлан Жұматаев мәлімдеді, деп хабарлайды аlmaty-akshamy.kz.
Алматы қаласының аумағында Іле-Алатау ұлттық табиғи паркі (19 мың 803 га), Медеу табиғи паркі (708,2 га) және ерекше қорғалатын табиғи аумақтар болып табылатын "Баум тоғайы" (137,7 га) бар.
Жаз-бұл табиғи өрттердің пайда болу қаупі едәуір артатын уақыт. Олар қоршаған ортаға, экономикаға және адамдардың денсаулығына елеулі зиян келтіруі мүмкін.
Осыған байланысты, 8-14 шілде аралығында өрт қауіпсіздігі талаптарының бұзылуының алдын алу бойынша мүдделі мемлекеттік органдарды тарта отырып, "Орман" профилактикалық іс-шарасы өткізілді, оның шеңберінде ТЖД, ЖПҚ және орман шаруашылығының аумақтық инспекциясы қызметкерлерінің арасынан бірлескен мобильдік топтар құрылды.
"Мобильдік топтармен 62 рейд жүзеге асырылды, 5 мыңнан астам жадынама табыс етілді, 27 от жағудың жолын кесті, жалпы сомасы 1,4 млн теңгеден астам сомаға 27 адам әкімшілік жауапкершілікке тартылды", - деді Еркебұлан Жұматаев.
Рейдтік іс-шараларды жүргізу үшін тепловизорлармен және құлақтандыру жүйесімен жабдықталған пилотсыз ұшу аппараттары (дрондар), құлақтандыру құрылғысы, ат және жаяу патрульдер қолданылады.
"Өрт қауіптілігі жоғары кезеңде өртті сөндіруді қамтамасыз ету үшін Алмаарасан шатқалында өрт сөндіру қызметі механикаландырылған күзет ұйымдастырды. Сондай – ақ, орман-саябақ және тау бөктеріндегі алаптарда жиынтық жасақ құрылды, жиынтық жасақ ретінде тәулік сайын жеке құрамның 13 адамы және 2 бірлік техника кезекшілікке алынады", - деді Е.Жұматаев.
Құрғақ өсімдіктерді сөндіру үшін қолда бар өрт сөндіру құралдары (крепушки, "Ермак" рюкзак өрт сөндіргіштері, күректер, "Ангара" орман өрт сөндіру қондырғысы) дайындыққа келтірілді.
Сонымен қатар, таулы жерлерде өрттерді сөндіруге Қазавиақұтқару және Қазавиақорғау авиациялық бөлімшелері жауынгерлік дайындықта бар . Үлкен Алматы, Пархач, Юнатское және Алматы әуежай көлдерінен авиациялық техникамен су алу мүмкіндігі қарастырылған.
"Азаматтық қорғау қызметтерін жаттықтыру мақсатында 15-16 мамырда Департаменттің ахуалдық залында жедел штабты орналастыра отырып, "Алау-2024" Республикалық командалық-штабтық оқу - жаттығуына қатысты", - деп атап өтті ол.
Бұдан басқа, табиғи өрттердің алдын алуды автоматтандыру, сондай-ақ ықтимал орман өрттерін ерте анықтау мақсатында "Медеу" МӨТП аумағында оптикалық-сенсорлық телевизиялық бақылау камералары жұмыс істейді.
Аудандық бөлімшелер әкімдіктермен бірлесіп құрғақ өсімдіктерді шабу және минералданған жолақтар құру бойынша жұмыстар жүргізуде. Бүгінгі таңда шамамен 202 га шабылды, жоспар бойынша 212,4 га, ұзындығы 83 км-ден асатын минералданған жолақтар құрылды (жоспар бойынша 92,2 км).
ӨКҚ спикері таулы жерлерде өрт қауіпсіздігін қамтамасыз ету бойынша жүргізіліп жатқан жұмыстардың нәтижесінде өрттер тіркелмегенін атап өтті.
"Құрғақ өсімдіктердің жану саны үш есеге азайып, 54 жануды құрады (Алатау – 22, Түрксіб – 12, Жетісу – 8, Медеу – 5, Бостандық – 3, Наурызбай – 3, Әуезов – 1), олардың ауданы 0,6 га (2023 жылы – 7,1 га) құрады", - деп қосты ол.
Брифингке қатысқан Алматы ТЖД Мемлекеттік өрт бақылау басқармасының бас маманы, азаматтық қорғау майоры Дарын Мұқанов табиғи өрттер көп жағдайда адами фактор себебінен болатынын атап өтті.
Жанудың негізгі себептері халықтың отпен абайсыз жұмыс істеуі және тұрмыстық қоқыстармен күн сәулесінің әсерінен пайда болатын "үлкейткіш әйнек эффектісі" деп аталатын құрғақ заттың өздігінен жануы болды (әйнек бөтелкелері, әйнек сынықтары және т.б.).
Қала тұрғындары мен қонақтарын отқа өте мұқият болуға және өрт қауіпсіздігі ережелерін қатаң сақтауға шақырады:
- демалыс орындарында өрт тудыруы мүмкін қоқысты қалдырмаңыз және өзіңізбен бірге алып жүріңіз;
- жанып тұрған сіріңкелерді, темекі тұқылдарын тастамаңыз, құрғақ шөпті күйдірмеңіз;
- от жағуға жол бермеңіз, осы мақсаттар үшін бөлінбеген жерлерде грильдер мен басқа да тамақ дайындауға арналған құрылғыларды пайдаланбаңыз.
Ерекше қорғалатын табиғи парктер аумақтарындағы ормандардағы өрт қауіпсіздігі талаптарын бұзғаны үшін "әкімшілік құқық бұзушылық туралы" Қазақстан Республикасы Кодексінің 367-бабының 3-бөлігі бойынша әкімшілік жауапкершілік көзделген және жеке тұлғаларға 100 АЕК мөлшерінде айыппұл салуға әкеп соғады, ал өзге де ауыр зардаптар туындаған жағдайларда ҚР Қылмыстық Кодексі шеңберінде қылмыстық жауаптылық көзделген (204-бап 2-бап).