Қазақ кино өнерінде есімі елге танымал режиссер және сценарист Нариман Төребаев 13 наурыздан бастап Алматыда "Күндер" атты жаңа фильмінің түсірілімін бастады.
Туынды өлімге әкелетін ауру диагнозы қойылғаннан кейін өмірінің тас-талқаны шыққан қарапайым адам туралы баяндайды, деп хабарлайды aqshamnews.kz.
Түсірілім жұмыстары сәуір айының ортасына дейін жалғасады. Негізгі локация - Алматы қаласы. Фильм Мәдениет және ақпарат министрлігінің қолдауымен, сондай-ақ Ұлттық киноны қолдау мемлекеттік орталығының көмегімен түсірілуде. Картина келесі жылдың басында толығымен аяқталып, содан кейін әлемдік фестивальдерге жөнелтіледі.
“Бұл өзін-өзі жоғалтқан жанның трагедиясы. Ол өміріндегі барлық нәрседен айырылып, өзіне жақын адамдардың бәрінен бас тартқан. Өлер алдында ол мұны түсінуге тырысады, бірақ сәтсіздікке ұшырайды. Бұл адам баласының өз бақытын жалған заттарға алмастыруы туралы әңгіме”, - дейді режиссер Нариман Төребаев.
Картинаның сценарийі бірнеше жыл бұрын жазылған. Төребаев атап өткендей, кез-келген режиссер, тіпті ең радикалды авторлық болсын, өзінің киносын мүмкіндігінше көп адам көргенін қалайды. Сондықтан да ол бұл фильм тек фестивальдарда ғана емес, сонымен қатар прокатқа да шығып, стримингтерде көрсетіледі деп үміттенеді.
Басты рөлде Болат Шанин, ал екінші планда отандық кинематографтың жаңа жұлдыздары - Шұғыла Ешенова ("Шекер. Соңғы мүмкіндік"), Шыңғыс Бейбітұлы ("Жошы хан. Ұлы Ұлыстың әміршісі") және Елжан Тұрыс («Жаужүрек мын бала»).
“Мен әрқашан өзімді осындай фестивальдық жобаларда сынап көргім келген, мұнда сіз асықпай жұмыс істейсіз, мұнда бизнес емес, шығармашылық бірінші орында. Режиссердің көзқарасы ұнады, оның актермен диалогы бар. Дәл осындай жобаларда актер шыналады, өседі”, - деп атап өтті Бейбітұлы.
Фильмді түсіруге Төребаевқа оның тұрақты командасы - оператор Айдар Мұсабеков, композитор Ғалымжан Секеев және қоюшы-суретші Алексей Филимонов көмектесуде.
Естеріңізге сала кетсек, Төребаевтың алдыңғы "Ол шайнекті сатып алды" картинасы Қазақстанның киносыншылар Қауымдастығының жыл сайынғы "Сыншылар таңдауы 2024" сыйлығында жеңімпаз атанып, онда ол "Үздік режиссер", "Үздік монтаж" және "Үздік саундтрек" номинацияларында жеңіске жеткен.