Алматы қаласында мүгедектігі бар адамдарды қолдау және олардың еңбек нарығында бейімделуін жеңілдету мақсатында жаңа «JOBCOACH» жобасы іске қосылды.
Бұл туралы Алматы қаласы Жұмыспен қамту және әлеуметтік бағдарламалар басқармасының басшысы Бауыржан Жаубасов мәлімдеді, деп хабарлайды aqshamnews.kz
JOBCOACH жобасының мақсаты – мүгедектігі бар адамдарға жұмыс орнында қолдау көрсету, бейімдеу және оларды еңбек етуге ынталандыру. Жоба аясында 2025 жылы 300 адамды қамту жоспарланған. Бұл бастама 2030 жылға дейін жалғасады деп күтілуде.
Әлеуметтік қолдау шаралары:
Жергілікті бюджеттен мүгедектігі бар адамдарды қолдауға 15 млрд теңгеден астам қаржы бөлінді.
41 мыңнан астам адам қажетті техникалық құралдармен және оңалту қызметтерімен қамтамасыз етілді.
Қосымша «Инватакси» қызметтері ұсынылады, бұл қызмет мемлекеттік әлеуметтік тапсырыс негізінде 100 автокөлікпен қамтамасыз етіледі.
Бұл бастама мүмкіндігі шектеулі жандардың өмір сапасын жақсартып, оларды қоғамға белсенді араласуға ынталандыруға бағытталған маңызды қадам болып табылады. «JOBCOACH» жобасы – қоғамдағы инклюзивтілік пен теңдікті арттыру жолындағы үлкен үлес.