Бұл туралы Алматы қаласының әкімі Е.Досаев Мемлекет басшысының қатысуымен өткен Үкіметтің кеңейтілген отырысында айтты, деп хабарлайды Аlmaty-akshamy.kz.
Денсаулық сақтау жүйесін жақсарту шеңберінде 2022 жылы медициналық ұйымдар 16,4 млрд. теңгеге жабдықталды, 4 бастапқы медициналық-санитарлық көмек нысаны аяқталып келеді, сондай-ақ 7 нысанның жобалау құжаттамасы әзірленді.
"Сіздің Алматы қаласының халқымен кездесу барысында берген тапсырмаңыз бойынша 2023 жылы 10 көпсалалы аурухананы жаңғырту жобаларын дайындау, 4 отбасылық-дәрігерлік амбулатория салу, сондай-ақ 6 жаңа емхана мен 3 отбасылық-дәрігерлік амбулаторияны жобалау жоспарлануда. Бұл нысандар Алматы қаласында бастапқы медициналық-санитарлық көмек көрсетудің әзірленіп жатқан бірыңғай стандартын ескере отырып, іске асырылатын болады", - деді қала әкімі..
Жалпы, медициналық қызметтердің қолжетімділігі мен сапасын арттыруға 2023 жылы 31,5 млрд теңге қарастырылған.