Құлаған тастардың зардабын жою бойынша жүргізілген жұмыстарға қатысты «Медеу-Шымбұлақ» автожолымен өтудің режимі белгіленді, деп хабарлайды Almaty-akshamy.kz
2023 жылдың 1 қарашасында аспалы жол іске қосылғанға дейін электромобильдер мен такси жүргізушілері кіре алады, сондай-ақ жаяу жүргіншілер үшін келесі сағаттарда кіру қолжетімді болады: 09.00-ге дейін, 12.00-ден 14.30-ға дейін және 18.00-ден кейін.
Аспалы жол іске қосылғаннан кейін (1 қарашадан бастап) электр көліктері мен такси жүргізушілеріне сағат 09.00-ге дейін және сағат 18.00-ден кейін кіруге рұқсат етіледі. 13.00-ден 14.00-ге дейінгі кезеңде техникалық қызметтердің арнайы көлігі үшін тек кіруге рұқсат етіледі. Сонымен қатар, студенттік соқпақ арқылы жаяу серуендеуге болады. Қозғалысты шектеудің белгіленген кестесі ағымдағы жылдың 1 желтоқсанына дейін жалғасады. Оның өзгергені туралы қосымша хабарланады.
Еске салсақ, ағымдағы жылдың 25 қазанынан бастап «Медеу-Шымбұлақ» жолындағы құлаған тастарға қатысты жұмыстар басталған еді. Қазіргі уақытта автокөлік пен жаяу жүргіншілердің қозғалысы шектеулі.
Жоба аясында құлаған тастарды төмен түсіру және барьерлерді (кедергілерді) тазарту жұмыстары жүргізілуде. Жұмыстың негізгі түрлері (беткейлерді бұрғылау және нығайту) келесі жылға жоспарланған. Бұдан басқа, 2024 жылдың көктемінде нөсер жүйесін салу және жол төсемін жөндеу жұмыстарын жүргізу жоспарлануда.