Алдағы жылыту маусымына дайындық аясында Алматының Бостандық ауданында 1973 жылы пайдалануға берілген 1,5 шақырымға жуық жылу трассасы ауыстырылады.
Осыған байланысты 2025 жылы 3 шілде мен 25 тамыз аралығында Алматының Бостандық ауданында Марков көшесінің бойымен – Бұқар Жырау бульварынан «Зайка» балабақшасына дейінгі бөлігінде автокөлік қозғалысы екі бағытта да тоқтатылады.
Көршілес тұрғын үйлердің аулаларына автокөлік пен жедел қызметтер Римский-Корсаков көшесі арқылы – Бұқар Жырау бульварынан №3 тұрғын үй жақтағы кіреберіске дейін қатынай алады.
Бұл уақытша шектеулер көше бойындағы жол жиегінің астымен өтетін магистральдық құбыр желісінің жоспарлы қайта құру жұмыстарын қауіпсіз жүзеге асыру үшін енгізіледі.
Жаңғырту жұмыстары жүргізіліп жатқан кезеңде тұтынушыларға ыстық су беру тоқтатылмайды.
Аталған жылу трассасы 16 көппәтерлі тұрғын үй мен тағы 7 нысанды жылумен және ыстық сумен қамтамасыз етеді.
Жалпы, биыл қала бойынша 39 шақырым жылу желісін жаңарту жоспарланған. Бұл тозу деңгейін 54%-ға дейін төмендетуге мүмкіндік береді.
Естеріңізге сала кетейік, көлік қозғалысын шектеу туралы барлық ақпарат Almaty.kz сайтында, @AlmatyJoly Telegram арнасында, аудан әкімдіктері мен басқармалардың әлеуметтік желілерінде, сондай-ақ. «2GIS» және «Яндекс карталар» сервистерінде жарияланған.