2025 жылы 15 қыркүйектен 31 қазанға дейін Алматыда «Таза Қазақстан» жалпыреспубликалық бағдарламасы аясында дератизацияның екінші кезеңі өткізіледі, - деп хабарлайды Aqshamnews.kz.
Барлық сегіз ауданды қамтыған шара кеміргіштерді жоюға және олардың пайда болуының алдын алуға бағытталған.
Дәрілеу жұмыстары 47 мың гектардан астам аумақта жүргізіледі. Оның ішінде өзен жағалаулары, су айдындары, жеке тұрғын үйлердің жер телімдері бар. Жеке сектор тұрғындарына қолдану жөніндегі нұсқаулықпен бірге улағыш жем тегін беріледі.
Алматыда дератизация жылына екі рет – көктемде және күзде жүргізіледі. Мұндай кешенді шаралар кеміргіштер санын тиімді бақылауға және олардың таралу қаупін азайтуға мүмкіндік береді.
Шараларды өткізу кестесі (https://www.gov.kz/memleket/entities/almaty-uzh/press/news/details/1066591) ауа райына байланысты өзгеруі мүмкін.
Алматы қаласы Коммуналдық инфрақұрылым және тұрғын үй инспекциясы басқармасы өз кезегінде заңды тұлғаларға, ПИК, МИБ және ҚС-ке қарасты аумақтарда және қоқыс контейнер алаңдарында дератизация жұмыстарын жалпықалалық дератизациямен бірге ұйымдастыруды сұрайды.
Дератизация жұмыстарына қатысты шағым мен сұрақ туындаған жағдайда тұрғындар «Эко Сервис Алматы» ЖШС диспетчерлік қызметіне келесі телефон нөмірлері арқылы хабарласа алады: +7 705 225 13 31 (Ербол), +7 705 118 77 88 (Нұржан).