Алматыда Радиоэлектроника және байланыс Әскери-инженерлік институтының курсанттары өздерінің сайлау учаскесінде бірінші болып дауыс берді, - деп хабарлайды almaty-akshamy.kz
Бұл институт – стратегиялық маңызды объект. Курсанттар аумақтан шыға алмайды. Таңертеңгі сағат 6-да ЖОО ғимаратында орналасқан № 143 сайлау учаскесіне кірер алдында 400-ден астам курсант жиналды.
Болашақ офицерлердің бірі – Дастан Қанат Радиоэлектроника және байланыс Әскери-инженерлік институтының басқа курсанттары Қуаныш Аюбай және Сергей Лимен бірге кеше ғана сайлау қарсаңында Санкт – Петербургтен келді, онда қазақстандық әскери ЖОО командасы ТМД-ға қатысушы мемлекеттердің жоғары білім беру ұйымдары курсанттарының VII Халықаралық олимпиадасында сәтті өнер көрсетті. Олимпиада қорытындысы бойынша қазақстандық команда Өзбекстан мен Ресейдің бағдарламашыларынан жеңіліп, үшінші орынға ие болды.
«Мен ВИРЭИС-тің 5-курс курсантымын. Бүгін еліміздің дамуы үшін айтулы күн. Барлық курсант саналы түрде өз таңдауын жасады. Мен институт қабырғасында сайлауға қатысып, Қазақстанның сенімді болашағы үшін өз дауысымды бергеніме өте қуаныштымын. Менің ойымша, ҚР әрбір азаматы мұны жауапкершілікпен жасауы керек және сайлауда халық таңдаған кандидаттар мен партиялар жеңіске жететініне сенімдімін»,-дейді курсант Дастан Қанат.