Алматыда Жамбыл атындағы Қазақ мемлекеттік филармониясының кіші залында Халықаралық мүгедектігі бар адамдар күні мен Халықаралық зағиптар күніне орай «Мен сені сүйем, Өмір» атты вокалдық байқау өтті.
Бұл туралы Алматы қаласы Мәдениет басқармасының өкілдері айтты, - деп хабарлайды Aqshamnews.kz.
Байқауды «Қазақ зағиптар қоғамы» қоғамдық бірлестігінің Алматы қалалық филиалы Алматы қаласының Жұмыспен қамту және әлеуметтік бағдарламалар басқармасымен бірлесіп ұйымдастырды. Байқауға қаланың мәдени және қоғамдық өміріне белсенді қатысып жүрген көру қабілеті бұзылған Алматы тұрғындары қатысты.
Байқауға барлығы он үш қатысушы қатысып, жүзден астам көрермен жиналды.
«Зал өнерпаздарды қолдауға келген халықта қисап жоқ. Көрермен олардың өмірге деген құштарлығы мен рухының биіктігін, өз мүмкіндігін жүзеге асыруға деген талпынысын жоғары бағалады. Бұл байқау Алматыда әрбір тұрғынның, өмірлік жағдайына қарамастан қабілетін ашуына мүмкіндік берілетінін айқындай түсті», – деді Жұмыспен қамту және әлеуметтік бағдарламалар басқармасындағылар.
Қазылар алқасының шешімімен бас жүлде Кристина Желудковаға бұйырды. Бірінші орынды Асылбек Қуанышқалиев иеленсе, екінші орындарды Динара Ешнияз бен Зиямат Мусаев бөлісті. Ал үшінші орынды Кристина Крамаренко, Айжан Жолдыбекова және Владимир Умеровке місе тұтты.
Ұйымдастырушылар мұндай игі бастамалар ерекше қажеттілігі бар жандарды қолдауға, сондай-ақ олардың қоғамның мәдени және қоғамдық өміріне белсенді араласуына зор ықпал ететінін атап өтті.