Алматы қаласында көпдеңгейлі автотұрақтар салу, деп хабарлайды aqshamnews.kz. Алматы қаласының Қалалық мобильдік басқармасына сілтеме жасап.
Басқарманың мәліметінше, бүгінде қалада:
-
Тротуарлық үлгідегі автотұрақтарда – 12 мың көлік орны,
-
Алаңдық үлгідегі автотұрақтарда – 6 мың көлік орны жұмыс істеп тұр.
2024 жылы қосымша 12 мың көлік орнына арналған тротуарлық автотұрақтар үшін жер учаскелерін тіркеуге құжаттар «Азаматтарға арналған үкімет» мемлекеттік корпорациясына тапсырылған. Қазіргі таңда бұл учаскелерді ресми тіркеу жұмыстары аяқталуға жақын.
— Осылайша, 2025 жылдың соңына дейін Алматыдағы коммуналдық автотұрақтар саны 30 мың көлік орнына дейін ұлғайтылады, — деп мәлімдеді басқарма.
Сондай-ақ, 2025 жылға келесі жұмыстар жоспарланған:
-
«Көктем-3» шағын ауданында коммуналдық көпдеңгейлі паркинг құрылысын аяқтау;
-
«Барлық» базары маңында көлік-ауыспалы торап (КАТ) жобасына мемлекеттік сараптаманың оң қорытындысын алу.
Қалалық мобильдік басқармасы аудандардың әкімдіктерімен бірлесіп, жаңа көпдеңгейлі паркингтер салуға арналған жер телімдерін іздеу және қарастыру жұмыстарын жүргізіп жатқанын атап өтті.
Барлық жобалау, құрылыс және пайдалану процестері қолданыстағы нормативтік құжаттарға, атап айтқанда, ҚР ҚН 3.03-05-2014 "Автотұрақтар" нормасына сәйкес жүргізіледі.