Алматыдағы колледждердің біріне жарылғыш зат қойылғаны туралы хабарлама 13 қараша күні сағат 10:35-те келіп түскен.
Қаланың төтенше жағдайлар және жедел қызметтері дереу ғимарат пен оның маңайына комиссиялық тексеру жүргізді, нәтижесінде жарылғыш құрылғылар, оқ-дәрілер немесе басқа да қауіпті заттар табылған жоқ, деп хабарлайды Almaty-akshamy.kz
Жалған ақпарат берді деген күдікпен 1-ші курста оқитын 16 жастағы Ж. есімді және 15 жастағы Т. есімді студенттер ұсталды.
Олардың әрекеті ҚР ҚК-нің 273-бабымен (Терроризм актiсi туралы көрiнеу жалған хабарлау) сараланды.
«Айғақты заттар тәркіленді, олар бойынша сараптама тағайындалды. Аталған дерек бойынша сотқа дейінгі тергеуді Бостандық аудандық ПБ жанындағы полиция бөлімі жүргізіп жатыр», - деп хабарлады департаменттен.
Алматы полициясы жалған хабарлама таратқан адам қылмыстық жауапкершілікке тартылатынын тағы да еске салады.