6 наурызда Алматыда Халықаралық әйелдер күніне арналған «Көктем-көңіл! Мелодия Весны!» атты көрменің ашылуы өтеді, деп хабарлайды Almaty-akshamy.kz.
«Көктем-көңіл! Мелодия Весны!» атты көрме әйел мен оның сұлулығын паш етеді. Көрмеде суретшілердің көркем картиналары, зергерлік бұйымдар, сәукеле және әйелдердің заманауи бас киімдері, жібек пен киізден тігілген шапандар, ұлттық киімдер, қазақи қуыршақтар, Алматы қаласының символдары – апорт алмалары мен қызғалдақтар қойылады.
Бұл көрме ҚР Президенті жанындағы әйелдер ісі және отбасы-демографиялық комиссиямен, Qazaq-Oner Ұлттық Қауымдастығымен және «Таң Шолпан» халықаралық тәуелсіз суретшілер қорымен бірлесе ұйымдастырылды.
Өтетін орны мен уақыты: Алматы қаласы, Алматы музейі, Қабанбай батыр кһшесі, 132, 6 наурыз, 15:00-де.
