Алматыдағы Клочков көшесінің бөлігінде 1978 жылғы құбырды ауыстыруға байланысты көлік қозғалысы уақытша шектелмек
Алдағы жылу маусымына дайындық аясында Алматы қаласының Алмалы ауданында 1978 жылы пайдалануға берілген 172 метрге жуық жылу магистралі ауыстырылады.
Осыған байланысты 2025 жылдың 16 шілдесі мен 1 тамызы аралығында Алматы қаласының Алмалы ауданында Клочков көшесінің бойымен Қарасай батыр көшесінен Қабанбай батыр көшесіне дейінгі аумақта автокөліктер үшін қозғалыс жабылады. Екі бағытта да көлік қозғалысы шектелмек.
Шектеу аталған көше учаскесінің көлік жолы бөлігінің астынан өтетін құбыр учаскесінде жоспарланған жаңарту жұмыстарының қауіпсіздігін қамтамасыз ету мақсатында енгізілмек. Жаңарту жұмыстары жүргізілетін кезеңде тұтынушыларды ыстық сумен қамтамасыз ету сақталады.
Бұл жылу магистралі 3 көппәтерлі тұрғын үйдің тұрғындарын жылу энергиясымен және ыстық сумен қамтамасыз етеді.
Биыл қалада барлығы 39 шақырым жылу магистралін қайта жаңарту жоспарланған. Бұл жылу желісінің ескіруін 54%-ға дейін төмендетеді.
Естеріңізге сала кетейік, қозғалысты шектеуге қатысты барлық ақпарат Almaty.kz сайтында, @AlmatyJoly Telegram-арнасында, аудан әкімдіктері мен басқармаларының әлеуметтік желілерінде, сондай-ақ «2GIS» және «Яндекс карталары» сервистерінде жарияланған.