Алматыда 2025–2026 жылғы жылыту маусымы басталды. Бұл маусымда алғаш рет жылу желілерін цифрлық жүйе арқылы бақыламақ. Қалалық Энергетика және сумен жабдықтау басқармасының басшысы Нұрбақыт Серікбай Өңірлік коммуникациялар қызметінде осылай деді.
Оның айтуынша, «Алматытеплокоммунэнерго» ЖШС нысандарында қысым мен температураны онлайн режимде бақылауға мүмкіндік беретін пилоттық жоба іске қосылған. Бұл жүйе жылу желілерінің жағдайын нақты уақыт режимінде бақылап, оқыс жағдайда жедел қимылдауға мүмкіндік береді.
«Ендігі уақытта біз апатпен күресіп қана қоймай, олардың алдын ала бастаймыз. Жүйе температура, қысым мен жылу тасымалдағыштың шығынын тіркеп, деректі диспетчерлік орталыққа жібереді. Осылайша, біз ақауды тұрғындарға жеткізбей, жойып жібере аламыз», — дейді спикер.
Сарапшылардың айтуынша, бұл жылыту маусымы «ақылды коммуналдық жүйеге» көшу кезеңі болмақ. Онда барық инженерлік желі бірыңғай цифрлық платформаға біріктіріледі.