«Алматы» әлеуметтік-кәсіпкерлік корпорациясы электр зарядтау станцияларын (ЭЗС) орнату үшін 311 жер телімін бөлді. Әрбір учаскеде конкурстық іріктеуден өткен отандық инвесторлар екі паркоместке есептелген қуаты 60 кВт-тан басталатын бір ЭЗС орналастырады. Барлық станциялар пайдалануға берілгеннен кейін қалада электромобильдерді зарядтауға арналған 622 жаңа паркоместр пайда болады, деп хабарлайды aqshamnews.kz
Бір учаскеге инвестордың ең төменгі салымы 10 млн теңгені құрайды. Бұл ретте халық үшін аккумуляторлық батареяны зарядтаудың 1 кВт үшін шекті құны ҚҚС есебімен 100 теңгеден аспайды.
Учаскелер ұзартуға басым құқығы бар инвесторларға 4 жыл мерзімге берілді.
Зарядтау станцияларын орнату қала тұрғындарының жаппай тартылатын жерлерінде-базарлар, саябақтар, кафелер және басқа да қоғамдық кеңістіктер аумағында жоспарлануда.
Барлық станциялар ағымдағы жылдың соңына дейін пайдалануға беріледі.
Бүгінгі таңда Алматыда жеке аумақтарда 300-ден астам ЭЗС орнатылған. Жаңа нысандарды ескере отырып, қала бойынша зарядтау станцияларының жалпы саны 600 бірліктен асады.
ЭЗС құрылысы «2029 жылға қарай барлық ірі қалаларда электромобильдер үшін қажетті инфрақұрылымды құру жөніндегі жол картасы» шеңберінде жүзеге асырылады. Жоба Алматыдағы экологиялық жағдайды жақсарту қажеттілігіне байланысты, сондай-ақ мегаполистегі электр көліктерінің өсіп келе жатқан санын ескере отырып іске асырылуда.
Ұлттық статистика бюросының деректеріне сәйкес, 2025 жылдың 1 сәуірінде Алматыда 8 385 электромобиль тіркелген. Өткен жылдың сәйкес кезеңімен салыстырғанда олардың саны 1,5 есе өсті.