14 жасар жасөспірім Алматыда терроризм актісін жасауға уәде берген, деп хабарлайды aqshamnews.kz
Бұл туралы ол жергілікті тұрғынның WhatsApp нөмірінен хабарлады.
Бұзақы өзінің хабарламасында Медеу ауданында орналасқан тұрғын үйлердің біреуін жаруды жоспарлағандығын нақтылаған.
«Ақпарат шұғыл ден қоюды қажет етті. Ол түсе салысымен аталған мекен-жайға қаланың шұғыл қызметтерінің барлық өкілдері шықты және саперлердің көмегімен ғимаратқа комиссиялық тексеру жүргізілді: оперативтік қызығушылық танытантын жарылыс құралдары мен басқа да заттар табылмады. Ақпарат расталмады. Оның авторы жедел-іздестіру іс-шаралар жүргізудің бірінші сағаттында анықталды. Ол жоғарыда аталған тұрғын үйлерінің бірінің 14 жасар тұрғыны болып шықты. Жасөспірім істегендігін мойындады және хабарламаны бұзақылық ниетпен жібергендігін растады. Аталған факті ҚР ҚК 273-б. – терроризм актісі туралы көрінеу жалған хабарлау бойынша сотқа дейінгі тергеп-тексерулердің бірыңғай тізілімінде тіркелді. Қылмыстық іс жөніндегі іс жүргізуді біздің Департаменттің Тергеу басқармасы жүзеге асырады» - деп Алматы ПД бастығының орынбасары полиция подполковнигі Әділбеков Берік хабарлады.
Полицияда сонымен қатар терроризм актісі туралы көрінеу жалған хабарламаны біле тұра таратқандығы үшін алты жылға дейін бас бостандықтан айыруды көздейтін қылмыстық жауапкершілікке тартылатындықтары туралы еске салды.