Алматы қаласы Алатау ауданына қарасты №196 жалпы білім беретін мектепте Желтоқсан оқиғасының 39 жылдығы мен Қазақстан Республикасының Тәуелсіздік күніне арналған іс-шара өтті. Тәрбиелік бағыттағы іс-шара 8–10 сынып оқушылары арасында «Жетістігімді еліме арнаймын» тақырыбында ұйымдастырылды.
Іс-шараның басты мақсаты — Желтоқсан оқиғасының тарихи маңызын түсіндіру, тәуелсіздік жолында күрескен азаматтардың ерлігін дәріптеу, сондай-ақ оқушылардың бойында отансүйгіштік, азаматтық жауапкершілік пен ұлттық рухты қалыптастыру.
Шара барысында оқушылар патриоттық өлеңдер оқып, Желтоқсан тақырыбында сахналық көріністер мен музыкалық қойылымдар ұсынды. Сонымен қатар, тәуелсіз Қазақстанның жетістіктері мен жастардың ел болашағындағы рөлі туралы ой-пікірлер ортаға салынды.
Іс-шараға құрметті қонақ ретінде Желтоқсан оқиғасының ардагерлері Байтулекова Саяна Несіпқазықызы мен Баядилов Халел Оңғарұлы қатысып, өз естеліктерімен бөлісті. Олар жас ұрпақты елін сүюге, тәуелсіздіктің қадірін бағалауға және білім алып, жетістіктерін Отан игілігіне арнауға шақырды.
Кездесу соңында оқушылар мен ұстаздар ардагерлерге алғыстарын білдіріп, мұндай тағылымды шаралардың өскелең ұрпақ тәрбиесіндегі маңызын атап өтті.