2025 жылғы 18 тамыз күні Алматы қаласында «Ауыл» партиясының өңірлік филиалы мен Алатау ауданының «Мансап жастар орталығы» өзара қол қойған меморандум аясында «Заң және Тәртіп» тақырыбында кездесу өтті. Шараға ауданның жастар қауымы мен білім беру басқармасының қызметкерлері қатысты.
Кездесуге Алматы қаласы Полиция департаменті Есірткі қылмысына қарсы іс-қимыл басқармасының аса маңызды істер жөніндегі аға жедел уәкілі, полиция подполковнигі Дәурен Асқарұлы Көбеев пен Алатау ауданы Патрульдік полиция қызметінің бастығының орынбасары, полиция майоры Шыңғыс Жанболатұлы Нурсейтов шақырылып, жастарға заңға бағыну мен тәртіптің маңызы туралы дәріс оқыды.
Жобаның негізгі мақсаттары:
-
Заң мен тәртіптің қоғамдағы рөлі мен маңызын түсіндіру;
-
Жастар арасындағы қылмыстардың алдын алу;
-
Нашақорлықтың зияны туралы кеңінен ақпарат беру.
Кездесу қорытындысында «Ауыл» партиясының өңірлік филиалы мен құқық қорғау органдары жастар шоғырланған мекемелер мен оқу орындарында жүйелі түрде осындай дәрістер өткізу жөнінде уағдаласты.