Бүгін Алмалы ауданында Алматы әкімі Ерболат Досаев тұрғындармен кездесті.
Онда аудан тұрғындары қала әкіміне сұрақтарын жолдады, деп хабарлайды Almaty-akshamy.kz
«Қалада Гоголь-Байтұрсынов көшелерінің қиылысында депо бар. Тұрғындар сол жердегі скверді бұзуды сұрайды Бүкіл аумақты болмаса да, кем дегенде оның бір бөлігін», - деген өтінішін білдірді тұрғындардың бірі.
Бұл сауалға:
«Пандемияға және жеке инвестордың бас тартуына байланысты депо жобасы бірнеше жыл бойы тоқтап қалды. Жоба қаланың иелігінде, бүгінде сметалық құжаттары ретке келтірілуде. Депо аумағында саябақ салу қарастырылып жатыр. Жобасы жаман емес, ол қала құрылысы кеңесіне ұсынылады. Бір айта кететіні - жобаны пайдаланудың үш жылдық мерзімінен асып кеткендіктен, құнын реттеу керек. Сметалық құжаттама тамыз-қыркүйек айларында дайын болады. Жоба ескі депоны толық қалпына келтіруді, жаңа ғимарат салуды және бүкіл айналаны абаттандыруды қарастырады. Бұл жаңа жастар кешені, Алматы қаласының шығармашылық орталығы болады», - деп жауап берді қала әкімі Ерболат Досаев.