Ауа температурасы -1...-3 градусқа дейін төмендейді.
«Қазгидромет» РМК болжамы бойынша бүгін, 8 қарашада Алматыда күні бойы қатты жаңбыр жауып, арты сілбі қарға ұласады деп күтілуде», деп хабарлайды Almaty-akshamy.kz
«Құрметті алматылықтар!
Түнде 8-ден 9 қарашада ауа температурасы -1...-3 градусқа дейін төмендейді, көктайғақ болады. Жолдардағы қауіпсіздікті қамтамасыз ету мақсатында автокөлік жүргізушілеріне жазғы шиналарды қысқы шиналарға уақтылы ауыстыруды ұсынамыз. Жолда көктайғақтың әрі қозғалыс бөлігінде тайғанақ қабыршықтардың пайда болуына байланысты жүргізушілер қозғалыс жылдамдығын төмендетіп, автомобильдер арасындағы қашықтықты арттырып, бүйірлік аралықты сақтаулары, кенеттен маневрлер мен тежеулер жасаудан аулақ болулары тиіс», делінген Алматы қалалық коммуналдық инфрақұрылымды дамыту басқармасының хабарламасында.