Фестиваль 21–31 желтоқсан аралығында Абай және «Астана» алаңдарында өтеді
Алматының сегіз ауданында жаңажылдық шыршалар орнатылды, деп хабарлайды almaty-akshamy.kz
Алмалы ауданында – «Астана» алаңы, яғни Абай атындағы ҚазҰТЗУ алдындағы алаңда,
Алатау ауданында – «Алматы Арена» мұз айдыны алдындағы алаңда,
Әуезов ауданында – Н.Сац атындағы жасөспірімдер театры алдындағы алаңда,
Бостандық ауданында – Тұңғыш Президент атындағы саябақта, Балуан Шолақ атындағы спорт сарайында,
Жетісу ауданында – Серіков көшесі, 2 А мекенжайында,
Медеу ауданында – «Халық арена» МС алдындағы алаңда, «Медеу» биік таулы спорт кешенінде,
Түрксіб ауданында – Сейфуллин даңғылы бойындағы №6 оқушылар үйінде,
Наурызбай ауданында – «Шұғыла» ш/а, 347 мекенжайында.
Бұдан басқа, мегаполистің тұрғындары мен қонақтары үшін қаланың барлық аудандарын қамтитын жаңажылдық фестиваль ұйымдастырылады. Фестиваль бағдарламасында халықтық караоке, би флешмобы, байқаулар, спектакльдер, эстрада жұлдыздарының қатысуымен жанды музыка, хаскимен фотосессиялар, шеберлік сыныптары мен көрмелер, қалалық мейрамханалар және кафелердің гастро-корнерлері (21–31 желтоқсан аралығында Абай және «Астана» алаңдары сағат 16.00- ден 21.00-ге дейін, 27–31 желтоқсан аралығында әр ауданның негізгі алаңдарында сағат 16.00-ден 21.00-ге дейін) болады және 25 желтоқсанда Аяз Аталар шеруі өтеді.