Алматы қаласында Жаңа жылға дайындық қарқынды жүріп жатыр. Қаланың түрлі жерлерінде орнатылған шыршалар тұрғындарға мерекелік көңіл-күй сыйлап, мегаполистің көшелеріне ерекше жылулық беруде. Бұл жылы биіктігі әртүрлі шыршалар бірнеше орынға қойылып, олардың әрқайсысы қала тұрғындары мен қонақтарын қуантады, деп хабарлайды aqshamnews.kz
КБТУ алдындағы шырша орнату жұмыстары 22 метрлік биік шыршаны тұрғызумен сәтті аяқталды. Ол қазірдің өзінде мерекелік сәнімен көз тартады.
Абай алаңындағы шырша
12 желтоқсанда басталған Абай алаңындағы шырша орнату жұмыстары 16 желтоқсанда аяқталды. Биіктігі 19 метрді құрайтын бұл шырша алаңның көркін келтіріп, айналасына мерекелік атмосфера сыйлауда.
Республика алаңы
Республика алаңындағы шырша орнату жұмыстары 18 желтоқсанда басталып, 22 желтоқсанға дейін жалғасады. Бұл 19 метрлік шырша жаңа жыл қарсаңында қала тұрғындарын қуантпақ.
"Нұрлы-Тау" бизнес орталығы
Бұл жерде 9 желтоқсанда басталған 20 метрлік шыршаны орнату жұмыстары 17 желтоқсанда толық аяқталады деп күтілуде. Шырша орталықтың көркіне көрік қосып тұр.
Тұңғыш Президент саябағы
12 желтоқсанда басталған шырша орнату жұмыстары 15 желтоқсанда аяқталды. Биіктігі 20 метр болатын шырша саябаққа ерекше сән беріп, келушілерді қуантады.
Қазақ ұлттық опера және балет театры (ҚазНТОБ)
13 желтоқсанда басталған шырша орнату 16 желтоқсанда аяқталады. Бұл 20 метрлік шырша театрдың тарихи ғимаратымен ерекше үйлесім тапқан.
Арбаттағы шырша
Қаланың ең танымал жаяу жүргіншілер көшесі – Арбатта биіктігі 10 метрлік шырша орнатылды. Жұмыстар 13 желтоқсанда басталып, 16 желтоқсанда аяқталады.
"Алматы Арена" және "Халық Арена"
"Алматы Арена" кешенінде шырша орнату жұмыстары 14 желтоқсанда басталды, 17 желтоқсанда аяқталады. Ал "Халық Аренада" 14-18 желтоқсан аралығында 20 метрлік шырша орнатылады.
Н.Сац атындағы балалар мен жасөспірімдер театры
10 желтоқсанда басталған 10 метрлік шырша орнату жұмыстары 16 желтоқсанда аяқталады. Театр алдындағы шырша балғындардың мерекелік көңіл-күйіне ерекше әсер береді.
Мерекелік дайындық жалғасуда
Алматы көшелерінде орнатылған шыршалар тұрғындарды қуанышқа бөлеуде. Әр шыршаның өзіндік сәні мен ерекшелігі бар. Бұл бастама жаңа жылдық көңіл-күйді арттырып, Алматы қаласының тұрғындарына ұмытылмас мерекелік атмосфера сыйлайды.