Алматыда Жаңа жылға қараған түні 21 сәби дүниеге келді, - деп хабарлайды Aqshamnews.kz.
Бұл туралы Алматы қаласы ішкі саясат басқармасының «Қоғамдық даму орталығы» хабарлады.
Жедел деректерге сүйенсек, сағат 00:00-ден 07:00-ге дейін 9 ұл мен 12 қыз дүниеге келген.
Әрбір босануды білікті медицина мамандары мұқият бақылады. Ана мен сәбиге дер кезінде қажетті медициналық көмек көрсетіліп, жаңа туған шақалақтың жағдайы тұрақты деп бағаланды.
2026 жылдың алғашқы сәбилерінің дүниеге келуі - жаңа кезеңнің, үміт пен өмір сабақтастығының символына айналса, медицина қызметкерлері үшін бұл мереке күндері де үздіксіз атқарылатын жауапкершілігі жоғары қызметтің айқын көрінісі.
Қаладағы перзентханалық қызмет жүйесі қалыпты тәртіпте жұмысын жалғастырып, ана мен балаға сапалы әрі қауіпсіз медициналық көмек көрсетіліп отыр.