Сенбілікке танымал эстрада әншілері, қоғам белсенділері қатысып, үлес қосуда.
Алматыда жалпықалалық сенбілік өтіп жатыр, деп хабарлайды Аlmaty-akshamy.kz. Оған қала тұрғындарымен бірге, танымал эстрада әншілері, қоғам белсенділері қатысып, үлес қосуда.
«Қаламызды көгалдандыруға, тазалауға үнемі осылай үлес қосып отыруымыз керек. Өзіміздің тұрып жатқан әсем мегаполиске қолымыздан келгенше тал егіп, қызмет атқарып жатырмыз. Бәрі бірден болмайды, осылай ақырын-ақырын гүлдене береді деп ойлаймын. Жастардың қарасы көп, олардың келгені жақсы. Олар өздерінен кейін інілеріне, балаларына «тазалық сақтайық» деп айтып жүреді. Өз еңбегімен еккен соң, еңбектің бағасын біледі. Бір айтарым, қаламызды таза ұстайық!» - деді танымал әнші Мақсат Базарбаев.