Алматыда өткен жалпықалалық бос орындар жәрмеңкесінде 1000-нан астам адам жұмысқа жолдама алды
Алматыда 19 қазанда Алматыда жаяу жүргіншілер Арбатында (Жібек Жолы – Панфилова) жалпықалалық бос орындар жәрмеңкесі өтті.
Жәрмеңкеге 160 жұмыс беруші қатысуға ниет білдірді, олар өндіріс және қызмет көрсету, оның ішінде сауда, қоғамдық тамақтану, медицина, білім беру саласында 3500-ден астам бос жұмыс орындарын ұсынды. Жәрмеңкеге 3000-нан астам адам келіп, кеңес алды, бұл ретте 1000-нан астам ізденуші жұмысқа орналастырылды.
Азаматтардың жекелеген санаттарына: пробация қызметінде есепте тұрған, бас бостандығынан айыру орындарынан босатылған мүмкіндігі шектеулі адамдарға, сондай-ақ алимент төлеу жөніндегі борышкерлерге ерекше назар аударылды. Ол үшін жәрмеңкеге азаматтардың осындай санаттары үшін жұмыс орындарын құру бойынша квоталары бар жұмыс берушілер шақырылды.
Бос орындар жәрмеңкелері – бұл жастар үшін еңбек нарығын зерттеуге және бір жерде бірнеше жұмыс берушілермен тікелей байланыс орнатуға тамаша мүмкіндік. Жұмыс берушілер үшін жәрмеңке өз кезегінде қолайлы үміткерлерді табу және жалдау процесін жеңілдетеді. Іс-шара жұмыс берушілер үшін де, ізденушілер үшін де өтеусіз негізде өткізіледі.
Жәрмеңкені Алматы қаласы әкімдігінің қолдауымен жұмыспен қамту және әлеуметтік бағдарламалар басқармасының «Алматы қаласы әкімдігінің халықты жұмыспен қамту орталығы» КММ ұйымдастырды.