Алматы қаласы бойынша Қаржылық мониторинг агенттігінің департаменті «Comfort Time» ЖШС және оған байланысты компанияларға қатысты тергеу жүргізіп жатыр, деп хабарлайды aqshamnews.kz
Ұйымдастырушылар жалған кәсіпорындар арқылы жұмыс істемейтін азаматтарға зейнетақы аударымдарын рәсімдеп, банктерді табысы мен төлем қабілеттілігі жөнінде жаңылыстырған.
Соның арқасында олар несие алуға қол жеткізген.
Схема бойынша делдалдар несие сомасының 10%-ына дейін «сыйақы» алып отырған. Нәтижесінде 399 млн теңге көлемінде 140 қайтарылмайтын несие берілген.
Осындай деректер Астана, Алматы, Шымкент қалаларында және Жетісу, Абай, Маңғыстау, Жамбыл, Ақтөбе облыстарында да анықталды.