Достық үйінде ішкі саясаттың өзекті мәселелері мен Алматы қаласының дамуын талқылауға арналған сараптамалық кездесу өтті, - деп хабарлайды Aqshamnews.kz.
Жиынға әлеуметтану және саясаттану саласының мамандары, академиялық орта өкілдері, сондай-ақ қала әкімінің орынбасары Абзал Нүкенов қатысты.
Қатысушылар қаланың дамуының негізгі бағыттары, басқарушылық шешімдер қабылдауда ғылым мен талдаудың рөлі, сондай-ақ сараптамалық қауымдастық пен басқару органдарының өзара іс-қимыл мүмкіндіктері жөнінде пікір алмасты.
Негізгі назар білім беру мен ғылым мәселелеріне, жас зерттеушілерді қолдауға, қалалық инфрақұрылымды дамытуға және қала мүддесі үшін ғылым мен тәжірибенің өзара байланысына аударылды.
Талқы барысында сарапшылар елде жүргізіліп жатқан конституциялық реформаны қолдайтындарын жеткізді.
Кездесуге қатысушылар Қазақстан Республикасының жаңа Конституциясы жобасының елдің одан әрі тұрақты дамуы үшін маңыздылығын атап өтті.
Жаңа Негізгі заңның басты бағдарлары ретінде білім мен ғылым, мәдениет пен инновациялар, сондай-ақ әділдік, заң мен тәртіп қағидаттары және табиғатқа ұқыпты қарау аталды.
Кездесу өзекті даму бағыттары бойынша одан әрі сараптамалық-талдамалық сүйемелдеу және бірлескен жұмыс жүргізу туралы келісіммен қорытыланды.
